أول تجربة في حياتي لكتابة الشعر بالعامية ...

رغم أني لست من المتذوقين كثيرا للشعر الشعبي ولست من متتبعينه ومحبيه ..إلا أن إغراء التجربة في حد ذاتها دفعني لخوض غمارها وذلك عندما  

قرأت هذا الموضوع المكتوب في مدونة الأستاذ عبد النبي أبو سيف ..وأول مرة أشعر برغبة في تكملة قصيدة بالعامية ..سأترككم مع قصة

ملحمة مازلت نا هو نا ) كما نقلتها من المدونة المذكورة وهي قصة شيقة جدا وجميلة حتى لغير الليبيين ..ثم سأعرض تجربتي الاولى في كتابة القصيدة الشعبية على غرار هذه الملحمة)

لـوكـانــك مـــــن جـيــلــي        انّصبي على بابك بطوله ليلي ... شحات للغلا

ومرت سنوات وتزوج ابن الشاعر بوعجيله عبد السلام ورزق بمولود وحضر بعض الشعراء والاحباب مهنئين له وسأله احدهم (هل مازلت شحات للغلا يا بوعجيله) فرد عليه قائلاً: 

 

مازلت نا هو نا.. حتى ان كنت داير صاحبه وضنا .. شحات للغلا
مازلت ما غتنيت .. حتى ان كاني عاقل وباني بيت
تقولّي سعيد نقولك ياريت ..عايش امعيشه ما عليك ابها
قولو الناس على سماحة صيت..ونا اتقول طيب الصيت قطع الوا
تلاشى دلالي لوّلي وانسيت..اعزاز دنوهم للعقل كان دوا
مازلت نا هو نا
مازلت من وجداني.. نعشق ونا عارف احدود مكاني
واخذ نصيبي م الغرام الفاني..امغير شيمتي في غيّتي الوفا
ومازلت متمسك بقو ايماني..وعارف الدنيا موش دار بقا
وحتى انكان هو الزمان موش زماني ..امسايرينه وادعا ايحد ادعا
مازلت نا هو نا
رغم اتعابي.. ورغم الزمان اللي مضى شبابي
مازال لي مكان بين اصحابي..نرتاح كان ساقني الهْم اخطا
ومازلت داير ليبيا محرابي ..وندعي الها في كل وان صلا
ومازال رايي في الشباب ايجابي..حتى انكان فيهم تختلف لاراء
ومازال يلمع من بعيد ركابي..من يومن اركوب الخيل بامزابا
ما يهمني كان الجواد كبابي .. واجدين غير يلهدوالا بعصا
مازلت نا هو نا

هذه هي قصيدة الشاعر بو عجيلة عبد السلام التي تحولت إلى ملحمة الهبت مشاعر الشعراء مما دفعهم إلى الرد عليها كل حسب هواه فمنهم من سرد بطولاته العاطفية السابقة واصر على مواصلة المشوار ومنهم من تحدث عن ماضيه ولم يواصل المشوار ومنهم من سلم للكبر و ومنهم من تحدث عن الدنيا وامورها ......

 

مـازلــت نـــا هــــو نــــا      حتى ونا ضناي مخلفين ضنا ... شحات للغلا

 

من هنا تغير رأس البيت ونال اعجاب جميع الشعراء في انحاء ليبيا وتناولوه بالرد ..

 

على الساعدي الفاخري يقول:
 

مــازلــت نــــا هــــو نــــا     على ماطرالي في الحياه وجرا ... نظيف معدني 
 

وفيها مقطع جميل جدا أعجبني شخصيا جدا جدا

ما زلت له مشتاق .. إللي هزني فرقاه من الاعماق
وسادل وراه أسدال ما ينطاق .. أستار ياس ما يجدي امعاه رجا
ويجي في منامي جية السراق .. ويحايي معاي امراض لي شفا
ونسبح وراه أنجول في الافاق .. خيال حلم ما يملى فراغ لقا

 

وقال محمد بوهارون الزوي: 
 

مــالــت نــــا هــــو نـــــا     حتى ان كان قالو لا مشى لا جا ... شور دارهم
 

وقال عوض الهوني:
 

مــــا نــيــش نــــا هــونـــا     شاب الشعر والعين فيها دا ... وكيف عاد اتريديني
 

وقال ادريس الشيخي:
 

يـــا حـــاج فــرقــت نــــا     في بوغثيث تقول غيم اشتا ... رجاي منقطع
 

وقال عمران القزون:
 

مــازلــت نــــا هــــو نـــــا     مغير ما نشوش امعا سريب نسا ... وفي غيرهن
 

وقال عبدالسلام الحر:
 

مازلـت نـا هــو نــا     نشعر وراسي ما عليه اغطا
 

وقال مصطفى الشلماني:
 

مــا زلـــت نـــا هـــو نـــا     نجري على قوتي وقوت ضنا ... في عازتي
 

ويقول حسن البوسيفي:
 

مـانـيــش نــــا هـــــو نـــــا     خذيت قرعتي والصغر لي انتهى .. مواطي النظر 
  

وتقول فاطمة عبدالله:
 

مازلـت نـا هـي نــا       لا نروم عيب ولاندير خطا
 

ويقول عبدالله بالروين:
 

مـازلـت نــا هــو نـــا     حتى ان كان شيبي ع السواد طغا

 

ويقول الشاعر فرج الاخضر العقوري

 

مازلت نا هو نا  .. لا ندير عيب ولا ندير خطا ... مفطوم عل العصر

 

(عبدالسلام إبراهيم طاهر بو جلاوي) الشاعر الذي اشتهر شهرة واسعة في شرق البلاد وغربها وجنوبها ويتلهف الجميع للقاء به وسماع الجديد من أشعاره المنمقة وانتقائه للكلمات البدوية الاصيلة كقصيدة:

اللي العين ما رضيت بزول بديله     مقطوع الرجا فيه بكـل وسيلـه

 

*************

وقالت زهرة النسرين ..

 

مازلت نا هوّ نا ...

 

مازلت شايل ودك ...

 

وما زلت حافظ عشرتك ونعدك ..

 

ومازلت نذكر يوم يدي حضنت يدك ..

 

 

مازلت نا هوّ نا ..

 

ومازال قلبي امرايف ..

 

ومازال خاطري من صدودك صايف ..

 

ومازال عقلي من فراقك خايف ..

 

 

مازلت نا هوّ نا ..

 

ما نتبدّل ..

 

ومازال عقلي كي غيمة صيف علي سباك يهطل ..

 

ومازال زهور معزتك في خاطري ما تذبل ...

 

 

مازلت نا هوّ نا

 

ما في كيف حناني ..

 

وما تلقى وليف يصون عشرتك كيفي طيلة أيام زماني ..

 

ومازلت وازنك بالذهب وعمره ما خسر ميزاني ...

 

 

مازلت نا هوّ نا ...

 

ما ننساك ..

 

وما نقدر في يوم نعيش بلاك ...

 

وما يزهى خاطري وتفرح أيامي إلا معاك ...

 

 

مازلت نا هوّ نا ...

 

ومازال حبك في عروقي يجري ..

 

كي الإدمان ..في كل ذرة من دمي يسري ...

 

 

مازلت نا هوّ نا ..

 

بكل أحساسي ...

 

وما نقدر في يوم نقعد قاسي ...

 

غلاكم حياة للروح ..كي نبضي ...كيف أنفاسي ....